Оралната хиругија како стоматолошка гранка ги опфаќа најголемиот број хируршки интервенции во или околу устата и вилиците, најчесто практикувани од специјалист во наведената област односно специјалист орален хирург. Во фокусот на оралната хирургија е дијагнозата и хируршкиот третман на болести, повреди и дефекти на меките и тврдите ткива во усната празнина.

Постојат многу состојби кои се индицирани за орално хируршки третман меѓу кои еден од најчестите е отстранување на импактирани заби, особено умници. Други интервенции кои ги извршува оралниот хирург се: апикотомии, кортикотомии, цистектомии, поставување на импланти односно имплантирање, графтирање односно додавање на вештачка коска итн.

За секој третман посебно, индикациите за истиот, начинот на изведување и останати информации, можете да најдете нешто повеќе во деловите „што да очекувате“ и „често поставувани прашања“.